Princi i Vogel

"Ky është për mua peisazhi më i trishtë dhe më i bukur në botë. Është i njëjti peisazh si i faqes së mëparshme, por e kam vizatuar sërish që ju ta shihni mirë. Këtu princi i vogël është shfaqur mbi Tokë e më pas është zhdukur. Shihni me kujdes këtë peizazh që të jeni të sigurt se do ta njihni nëse një ditë do të kryeni ndonjë udhëtim në Afrikë, në shkretëtirë. Dhe, nëse iu rastis të kaloni atje, ju lutem, mos nxitoni, ndaluni një çast nën yjet! E nëse atëherë ndonjë fëmijë iu del përpara, nëse qesh, nëse ka flokë të artë, nëse nuk përgjigjet kur ju e pyesni, me siguri do ta merrni me mend se kush është. E pra, jini të mirësjellë! Mos më lini kaq të trishtuar: më shkruani menjëherë se ai është rikthyer..."